Трамп увёў пошліны для астравоў, на якіх жывуць толькі цюлені і пінгвіны
Згаданыя астравы трапілі ў спіс як аўстралійскія тэрыторыі / pixabay.com
Прэзідэнт ЗША Дональд Трамп увёў пошліны для астравоў, на якіх жывуць толькі цюлені і пінгвіны. Астравы Херд і Макдональд знаходзяцца ў субарктычнай частцы Індыйскага акіяна. Яны незаселеныя людзьмі. Тым не менш, апынуліся ў спісе краін і тэрыторый, супраць якіх былі ўведзены тарыфы, піша Axios.
У Белым доме растлумачылі, што згаданыя астравы трапілі ў спіс як аўстралійскія тэрыторыі. Для іх будзе дзейнічаць такая ж пошліна, як для ўсёй Аўстраліі — 10%.
У спісе ёсць яшчэ адзін востраў без людзей — Ян-Маен паміж Грэнландскім і Нарвежскім морамі. Ён з'яўляецца нарвежскай тэрыторыяй. У адрозненне ад сітуацыі з аўстралійскімі астравамі, для Ян-Маена дзейнічае асобная стаўка пошліны — 10%, а для астатняй Нарвегіі — 15%.
