Сёння мінскае "Дынама" правядзе першы матч фінала Кубка надзеі
Беларускі клуб не прабіўся ў плэй-оф Кантынентальнай хакейнай лігі, але паспяхова выступае ў суцяшальным турніры.
Мінскае "Дынама" і омскі "Авангард" пазмагаюцца за перамогу ў "Кубку надзеі" ў серыі з чатырох сустрэч да трох выйгрышаў. Калі па выніках чатырох матчаў лік у серыі стане 2:2, пераможцу вызначаць буліты, інфармуе "Прессбол".
Першы матч пройдзе 1 красавіка на "Мінск-Арэне", пачатак а 19-й гадзіне.
Фота — hcdinamo.by
