Свінавод і вартаўніца скралі свіней з фермы
Дзве супрацоўніцы Нясвіжскага райаграсэрвісу скралі з фермы ў вёсцы Саска Ліпка пяць свіней агульнай вагой 726 кілаграмаў.
Сума скрадзенага склала амаль 12 мільёнаў рублёў. Адна жанчына працуе свінаводам, а другая вартаўніцай. Скрадзеную жывёлу яны схавалі ва ўласным хляве, дзве “галавы” паспелі прадаць.
Здарэнне адбылося амаль месяц назад. А днямі Нясвіжскае раённае аддзяленне Следчага камітэта пачало крымінальную справу. Злодзеям пагражае да пяці гадоў пазбаўлення волі.
Фота — obozrevatel.ua
