У Беларусі з'явіліся два новыя кіраўнікі аблвыканкамаў
Юрый Караеў
Аляксандр Лукашэнка прызначыў кіраўніком Гродзенскага аблвыканкама Юрыя Караева — былога міністра ўнутраных спраў і свайго памочніка па вобласці.
Лукашэнка заявіў, што рабіў выбар "з шэрагу кандыдатур".
Перад гэтым Караеў быў выканаўцам абавязкаў старшыні аблвыканкама. Гэтую пасаду ён атрымаў пасля таго, як папярэдні старшыня Уладзімір Каранік стаў віцэ-прэм'ерам.
Юрый Караеў кіраваў Міністэрствам унутраных спраў падчас жосткага разгону палітычных пратэстаў улетку-ўвосень 2020 года.
Кіраўніком Мінскага аблвыканкама прызначаны цяпер ужо экс-міністр энергетыкі Аляксей Кушнарэнка. Раней вобласцю кіраваў Аляксандр Турчын, які цяпер узначальвае ўрад.
А міністэрствам кіраваць стаў намеснік Кушнарэнкі — Дзяніс Мароз.
