Стала вядома, якое прадпрыемства найбольш прыняло турыстаў
Турысты на БелАЗе / vk.com/belazplant
Летась прамысловым турызмам у Беларусі скарасталіся больш за 266 тысяч чалавек (на 30% больш, чым за папярэдні год). Намеснік міністра прамысловасці Андрэй Кузняцоў кажа, што найбольш прыняў турыстаў БелАЗ — амаль 59 тысяч чалавек (у 2023-м было 51,5 тысячы). Экскурсіі там адбываюцца штодня. На МТЗ пабывалі каля 49 тысяч чалавек, а на МАЗе — 12,5 тысячы. Замежнікам нават прапануюць паўдзельнічаць у зборцы тэхнікі, якая пасля будзе адпраўлена ў іх краіну.
Прадпрыемствы "Беллегпрама" наведалі амаль 5 тысяч чалавек, "Белдзяржхарчпрама" — больш за 58 тысяч, Мінбудархітэктуры — 48,5 тысячы. Агулам тургрупы прымаюць больш за 70 прадпрыемстваў краіны. У Нацыянальным агенцтве па турызме кажуць, што "яшчэ сотні" таксама хочуць далучыцца.
Раней у канцэрне "Белдзяржхарчпрам" расказалі, што за 2023 год зарабілі на прамысловым турызме больш за мільён рублёў.
