Стала вядома, як перабудуюць тэрыторыю велазавода ў Мінску

Забудова на месцы былога велазавода ў Мінску будзе выглядаць у стылі індустрыяльнага лофта. Пра гэта заявіў галоўны архітэктар УП "Мінскпраект" Уладзімір Архангельскі, як паведамляе тэлеграм-канал ДВА "Мінскбуд". 

Вытворчая пляцоўка, якая раней была закрытая, цяпер адчыніцца на Партызанскі праспект і будзе ўключаяна ў яго пешаходную зону.

На тэрыторыі будуць абсталяваныя парковачныя месцы і зручныя пад'езды да іх. 

Знешні выгляд будынкаў плануецца захаваць у стылі індустрыяльнага лофта (заводскага стылю "пад цэглу").

Будынкі першай лініі плануецца па магчымасці максімальна перарабіць пад офісы, крамы і выстаўныя пляцоўкі.