Беларускі партал пра манументальнае мастацтва дададзены на міжнародную карту
Праект, які з’явіўся ў 2024 годзе, пашырае свае межы / monumental.by
Карта манументальнага мастацтва Беларусі — monumental.by — была інтэграваная ў першую ў свеце карту манументальнага мастацтва, якая ахоплівае ўвесь СССР і свет у цэлым — atlas.sovieticus.
На думку аўтараў праекта, гэта прыцягне дадатковую ўвагу да манументальнай спадчыны Беларусі, якая можа стаць часткай брэнда краіны і мае турыстычны патэнцыял.
Сайт захоўвае і сістэматызуе ўзоры савецкіх вітражоў, мазаік, сграфіто, якія ўпрыгожваюць фасады і інтэр’еры будынкаў па ўсёй Беларусі. На платформе ўжо сабрана больш за 500 аб’ектаў з розных рэгіёнаў краіны.
