Спецназаўцы летась "выканалі больш за паўтары тысячы задач" — Карпянкоў

"Сваю эфектыўнасць даказалі сфармаваныя ў кожным рэгіёне атрады спецыяльнага прызначэння, якія сумесна з падраздзяленнямі крымінальнай міліцыі выканалі больш за паўтары тысячы задач", — заявіў намеснік міністра — камандуючы ўнутранымі войскамі Мікалай Карпянкоў. Такую статыстыку ён агучыў на калегіі Міністэрства ўнутраных спраў 21 лютага.

Карпянкоў змоўчаў пра ўдзел байцоў спецназу у затрыманняхі паводле палітычных матываў. "Парушальнікамі закону", якіх жорстка затрымліваюць спецназаўцы, з'яўляюцца людзі, у якіх уся віна палягае ў падпісцы на незалежныя СМІ ў сацсетках.

Падводзячы вынікі папярэдняга года, Карпянкоў паведаміў таксама, што на тэрыторыі вакол Беларускай АЭС усталявалі відэакамеры, падключаныя да рэспубліканскай сістэмы маніторынгу грамадскай бяспекі.

Таксама ён расказаў, што ўнутраныя войскі, якімі ён камандуе, удзельнічалі ў ліквідацыі наступстваў урагану ў Гомельскай вобласці ды актыўна дапамагалі сельгаспрадпрыемствам падчас уборачнай кампаніі.