Дзярждэпартамент ЗША: ЗША не выяўляла падтрымкі Беларусі ў сувязі з АЭС

Адміністрацыя ЗША не выяўляла падтрымкі планам Беларусі па будаўніцтве АЭС, заявіла памочнік дзяржсакратара ЗША па пытаннях кантролю над узбраеннямі Роўз Геттэмюлер на сустрэчы з літоўскімі парламентарыямі ў Вільні.

Як паведаміў БелаПАН старшыня камісіі сойма па ядзернай энергетыцы Рокас Жылінскас, у адказ на пытанне, чаму адміністрацыя ЗША выказала сваю падтрымку праекту беларускай АЭС, які рэалізуецца з парушэннем міжнароднага заканадаўства і ва ўмовах недэмакратычнага прыняцця рашэнняў, памочнік дзяржсакратара ЗША заявіла, што прэзідэнт ЗША Барак Абама падтрымаў развіццё мірнай ядзернай энергетыкі ў цэлым, маючы на ўвазе праекты, якія выконваюцца ў строгай адпаведнасці з патрабаваннямі МАГАТЭ.

Нагадаем, пра пазіцыю ЗША па пытанні будаўніцтва ў Беларусі АЭС было заяўлена на сустрэчы кіраўнікоў МЗС дзвюх краін 1 снежня 2010 года ў Астане, дзе праходзіў саміт АБСЕ. "ЗША падтрымліваюць гэту дзейнасць, якая ўключае працэс праектавання і будаўніцтва надзейнай і бяспечнай станцыі, якая дзейнічае ў адпаведнасці з гарантыямі МАГАТЭ. ЗША таксама падтрымліваюць высілкі Беларусі па магчыма хуткай рэалізацыі гэтага камерцыйнага праекта", — паведаміла прэс-служба МЗС Беларусі па выніках перамоў Сяргея Мартынава і Хілары Клінтан.

Фота: energobelarus.by