Другая беларуская АЭС зможа працаваць на акупаваныя тэрыторыі Украіны
Лукашэнка і Пуцін / прэс-служба Лукашэнкі
Другая АЭС у Беларусі зможа забяспечваць электраэнергіяй ўкраінскія тэрыторыі, акупаваныя Расіяй. Пра гэта падчас сустрэчы з Уладзімірам Пуціным у Маскве 26 верасня заявіў Аляксандр Лукашэнка.
Лукашэнка прапанаваў дзеля гэтага пабудаваць другую АЭС на ўсходзе Беларусі. Мяркуецца, што, як і першую, узводзіць яе будзе расійская карпарацыя "Расатам".
"Сёння з вамі, калі вы ўхваліце праект пашырэння ці будаўніцтва новай атамнай станцыі, можа быць нават на ўсходзе Беларусі, — з мэтай, калі гэта будзе неабходна, забеспячэння электраэнергіяй усходніх раёнаў (вызваленых) Расіі", — працытаваў словы Лукашэнкі тэлеграм-канал, які вядзе яго прэс-служба.
Першую ў Беларусі АЭС пабудавалі ў Астравецкім раёне на мяжы з Літвой.
