Расія ўсё часцей атакуе ўкраінскую чыгунку
Пашкоджаная чыгунка
Расія ўсё часцей атакуе ўкраінскую чыгунку. Пра гэта заявіў віцэ-прэм'ер Украіны Аляксей Кулеба.
Па яго словах, толькі з пачатку 2025-га расійскія атакі нанеслі чыгуначнай інфраструктуры шкоды на мільярд долараў.
"Калі параўноўваць толькі апошнія тры месяцы, то колькасць нападаў павялічылася ў тры разы. З пачатку года было здзейснена 800 атак чыгуначнай інфраструктуры, больш за 3000 чыгуначных аб'ектаў былі пашкоджаныя".
Кулеба дадаў, што часам расіяне адмыслова пераследуюць цягнікі і спрабуюць забіць машыністаў.
