Расія не будзе мяняць Медведчука на ўкраінскіх вайскоўцаў
Затрыманага ва Украіне палітыка Віктара Медведчука не будуць мяняць на ўкраінскіх вайскоўцаў. "Пра гэта гаворка не ідзе", — заявіў журналістам прэс-сакратар Крамля Дзмітрый Пяскоў.
Медвядчук — самы вядомы прарасійскі палітык ва Украіне, кум Уладзіміра Пуціна. Яго абвінавацілі ў дзяржаўнай здрадзе і ў траўні 2021-га пасадзілі пад хатні арышт, з-пад якога ўцёк пасля пачатку вайны. Яго затрымалі ў першай палове красавіка. Кіеў прапанаваў абмяняць яго на палонных украінскіх вайскоўцаў. Сам Медвядчук прапаноўваў абмяняць яго на абаронцаў і жыхароў Марыупаля.
