Прынц Чарльз параўнаў Пуціна з Гітлерам
Брытанскі прынц Чарльз знаходзіцца з візітам у Канадзе.
Каментуючы палітыку Расіі ў дачыненні да Украіны і анэксію Крыма, прынц у прыватнай размове зазначыў: "Цяпер Пуцін робіць амаль тое ж самае , што рабіў Гітлер".
Як паведамляе ВВС, гэтую фразу прынц Чарльз сказаў падчас экскурсіі па канадскім музеі іміграцыі ў Галіфаксе. У прэс-службе прынца Уэльскага журналістам кажуць, што не будуць каментаваць яго прыватную размову.
Разам з тым ёсць звесткі, што 6 чэрвеня, у гадавіну высадкі саюзных войскаў у Нармандыі, на ўрачыстых мерапрыемствах у Францыі запланаваная сустрэча прынца Чарльза з прэзідэнтам Пуціным.
Калаж — joyreactor.cc
