Прэм'ер Албаніі на міжнародным форуме распавёў анекдот пра Пуціна і Прыгожына

Прэм'ер-міністр Албаніі Эдзі Рама развесяліў удзельнікаў Bled Strategic Forum у Славеніі свежым анекдотам пра прэзідэнта Расіі  Уладзіміра Пуціна і заснавальніка ПВК "Вагнер" Яўгена Прыгожына. Відэа з форуму публікуе ўкраінскі рэсурс УНІАН.

Рама спытаў удзельнікаў форуму, ці ведаюць яны, што Расія хоча адмовіцца ад мноства паясоў і ўвесці на тэрыторыі краіны аднолькавы час. А затым распавёў анекдот на гэтую тэму.

Гісторыя пачалася з таго, што расійскі прэм'ер-міністр прыйшоў да Пуціна з праблемай: "Мая сям'я была ў адпачынку, я патэлефанаваў ім пажадаць спакойнай ночы, але ў іх ужо была раніца. Я патэлефанаваў Олафу Шольцу [канцлер Германіі-рэд.], каб павіншаваць яго З Днём Нараджэння, але ён сказаў, што гэта будзе на наступны дзень. Я патэлефанаваў Сі Цзіньпіну, каб павіншаваць яго з Новым годам, але ён сказаў мне, што ў іх усё яшчэ стары год". На што Пуцін адказаў: "Так, такое здарылася і са мной. Я патэлефанаваў сям'і Прыгожына, каб выказаць спачуванні, але яго самалёт яшчэ не ўзляцеў".

Яўген Прыгожын і яшчэ некалькі членаў яго каманды загінулі ў выніку авіакатастрофы 23 жніўня. Раней Прыгожын быў вымушаны вывесці частку сваёй ПВК "Вагнер" у Беларусь – гэта адбылося пасля паходу на Маскву вагнераўцаў, не згодных з тактыкай вядзення вайны ва Украіне. Пасля авіакатастрофы расійскія рэсурсы ўзгадалі пра старое інтэрв'ю Пуціна, дзе ён казаў, што здраду ён дараваць не можа.