Полацкія памежнікі злавілі дзесяцярых нелегалаў з В’етнама
Іх перавозіў у бок беларуска-латвійскай мяжы расіянін на мікрааўтобусе.
Дзесяць грамадзянаў В’етнама ў суправаджэнні расіяніна затрыманыя полацкімі памежнікамі, паведамілі БЕЛТА ў Полацкім памежным атрадзе. Увечары 27 ліпеня ў памежнай зоне на латвійскім кірунку ў Верхнядзвінскім раёне памежнікі затрымалі мікрааўтобус Hyundai пад кіраваннем 34-гадовага расіяніна. У машыне было 10 в’етнамцаў, старэйшаму з якіх 33 гады, а малодшаму — 16.
Для далейшага разбіральніцтва замежныя грамадзяне затрыманыя на 72 гадзіны, пасля чаго іх прыцягнуць да адказнасці за незаконнае перасячэнне мяжы.
Фота: rigaportal.lv
