Перапоўнены назапашвальнік гною атруціў рэчку ў Верхнядзвінскім раёне

У Верхнядзвінскім раёне атруцілі рэчку Сар'янку. Інцыдэнт адбыўся 22 верасня ў Верхнядзвінскім раёне Віцебшчыны, паведамляе прэс-служба Мінпрыроды.

Паводле інфармацыі ведамства, у жывёлагадоўчым комплексе "Сардыкі" УПП "Вужыца-Агра" Верхнядзвінскага раёна перапоўніўся назапашвальнік гною. У выніку сцёкавыя воды з гноем выліліся, трапілі ў ручай, а адтуль — у Сар'янку.

Па стане на 20:00 таго ж дня прадпрыемства спыніла скідванне гнойных сцёкавых вод у навакольнае асяроддзе і прыняло меры па вывазе гною з назапашвальніка.

Па выніках лабараторнага кантролю Мінпрыроды абяцае прыняць меры ў вызначаным законам парадку.