Пасля транзіту сістэма Лукашэнкі можа захавацца і без яго — даследаванне
Сістэма Лукашэнкі: як пабудавана ўлада і рыхтуецца транзіт / БЕЛТА
Сыход Лукашэнкі не абавязкова азначае дэмакратызацыю, гаворыцца ў новым даследаванні Цэнтра новых ідэй, у якім апісваецца архітэктура беларускай палітычнай сістэмы Аляксандра Лукашэнкі і падрыхтоўка да магчымай перадачы ўлады.
Еўрарадыё коратка пераказвае асноўныя тэзісы даследавання.
Пэрсаналісцкі рэжым і сцэнары перадачы ўлады
Сістэма Лукашэнкі — гэта пэрсаналісцкая аўтакратыя, у якой ключавыя рашэнні прымае выключна сам кіраўнік.
Пры гэтым даследчыкі вылучаюць два сцэнары транзіту: кантраляваны — па ініцыятыве Лукашэнкі з перадачай улады лаяльнаму пераемніку, і некантраляваны — у выпадку яго смерці, страты кантролю або знешняга ціску.
Першы сцэнар прадугледжвае захаванне ўплыву Лукашэнкі праз такія структуры, як Усебеларускае народнае сход. Другі можа суправаджацца хаосам і барацьбой эліт.
