Палітвязню Дзмітрыю Гопту адмовілі ў памілаванні
Палітвязню з псіхічным захворваннем Дзмітрыю Гопту адмовілі ў памілаванні, паведамляюць праваабаронцы. 22-гадовага хлопца з разумовай адсталасцю асудзілі на 2 гады калоніі за ўдзел у пратэстах 2020 года ў Жлобіне: за ўдзел у "масавых беспарадках" і "гвалт у дачыненні да міліцыі".
У снежні мінулага года прадстаўнікі ініцыятывы Юрыя Васкрасенскага паведамілі сваякам Гопты, што хлопца могуць памілаваць. Перадумалі?
Маці Дзмітрыя Гопты кажа, што калі ён патэлефанаваў і расказаў пра адмову, то плакаў — ён вельмі спадзяваўся на памілаванне, проста жыў надзеяй на хуткае вызваленне.
