Падпісаны ўказ аб стварэнні ў Беларусі сеткі сувязі па тэхналогіі 5G
5G / pixabay.com
Падпісаны ўказ аб стварэнні ў Беларусі сеткі сувязі па тэхналогіі 5G. Дэкларуецца, што ён накіраваны "на далейшае развіццё ў нашай краіне сучаснай інфраструктуры сетак электрасувязі на аснове ўкаранення ў інтарэсах дзяржавы, грамадзян і бізнесу новых інфармацыйна-камунікацыйных тэхналогій".
Прадугледжана стварэнне сеткі сотавай рухомай электрасувязі па тэхналогіі IMT-2020 (5G) "па мадэлі адзінага інфраструктурнага аператара з уключэннем у склад гэтай сеткі адзінай сеткі сотавай рухомай электрасувязі па тэхналогіі LTE (4G)". Плануецца павышэнне даступнасці і якасці мабільнай сувязі і хуткасці інтэрнэту "за кошт актыўнага ўкаранення тэхналогіі 5G і павелічэння ахопу тэрыторыі краіны сувяззю па тэхналогіі LTE".
У лютым у Мінсувязі паведамлялі, што падрыхтавалі ўсе дакументы, неабходныя для ўкаранення ў РБ сувязі 5G.
