Пад выглядам "супрацоўнікаў КДБ" беларусам тэлефануюць махляры
Мабільнік, ілюстрацыйнае фота / pixabay.com
Махляры спрытна вырашылі скарыстацца сітуацыяй беззаконня ў Беларусі.
Яны тэлефануюць беларусам, называюцца супрацоўнікамі КДБ і просяць заплаціць за "фінансаванне экстрэмізму". Як паведамляюць праваабаронцы "Вясны", такі выпадак адбыўся ў Жлобіне.
Жанчыне па "працоўным тэлефанаванні КДБ" заявілі, што ведаюць пра яе пералічэнні за мяжу і фінансаванне "экстрэмісцкага" канала. Махляры пыталіся, ці ёсць у яе на гэты момант грошы на картках і дома.
Жанчына здагадалася, што яе падманваюць, і затэлефанавала ў прыёмную КДБ, каб даведацца, ці даваў кіраўнік заданне з ёй перагаварыць. Тады і выявілася няпраўда.
