Пад Вілейкай расіянін зарэзаў студэнта Тэхналагічнага ўніверсітэта
Здарэнне адбылося ўначы з 8 на 9 ліпеня. 18-гадовы Саша, які скончыў першы курс, прыехаў у Вілейскі раён да мамы.
Ад яе адправіўся да таты ў іншую вёску, Абадоўцы (бацькі не жывуць разам). Там яго і спасцігла смерць. Ён атрымаў два ўдары нажом, адзін з якіх — у сэрца. Сяброўка забітага кажа, што хлопец стаў выпадковай ахвярай, інфармуе "Наша ніва".
БЕЛТА дадае, што па падазрэнні ў забойстве затрыманы грамадзянін Расіі, які мае дазвол на часовае пражыванне ў нашай краіне. Раней ён ужо быў асуджаны за забойства. Паведамляецца, што мужчына быў у стане алкагольнага ап'янення.
Расследаванне крымінальнай справы ўзяло на кантроль упраўленне Следчага камітэта па Мінскай вобласці.
Фота — nn.by
