Пад Мазыром з нафтаправоду "Дружба" выцекла нафта
Аварыя на нафтаправодзе пад Мазыром / прэс-служба Мінпрыроды
Разліў нафты з нафтаправоду "Дружба" адбыўся каля вёскі Акулінка Мазырскага раёна. Пра разліў нафтапрадуктаў з магістральнага нафтаправода Мазыр-Брэст паведаміла прэс-служба Мінпрыроды.
На месца здарэння неадкладна выехалі прадстаўнікі Мазырскай раённай інспекцыі прыродных рэсурсаў і аховы навакольнага асяроддзя, Мазырскага РАНС, Праматамнагляду, раённага цэнтра гігіены і эпідэміялогіі, а таксама Мазырскага райвыканкама.
Прычыны аварыі ўдакладняюцца. У Мінпрыроды запэўніваюць, што інцыдэнт лакалізаваны і нафтапрадукты ў ваду не трапілі.
Аварыйная служба ААТ "Гомельтранснафта "Дружба" вядзе аварыйна-аднаўленчыя работы і адпампоўвае нафтапрадукты.
Інспекцыя прыродных рэсурсаў вызначае плошчу і ступень забруджвання глебы нафтапрадуктамі. Камісія па надзвычайных сітуацыях Мазырскага райвыканкама выпрацуе дадатковыя меры па ліквідацыі разліву.
