Пачаўся продаж рамана “Дзюна” на беларускай мове
З 11 кастрычніка кнігу можна набыць у краме “Кнігаўка” / knihauka.com
11 кастрычніка 2025 года ў продаж паступіў культавы навукова-фантастычны раман амерыканскага пісьменніка Фрэнка Герберта “Дзюна”. Пераклад зроблены Ігарам Куліковым.
Упершыню “Дзюна” была апублікавана ў 1965 годзе, твор адразу заваяваў прызнанне як чытачоў, так і крытыкаў, стаўшы лаўрэатам дзвюх самых прэстыжных жанравых узнагарод — прэмій “Х’юга” і “Нэб’юла”.
Падзеі рамана разгортваюцца на пустыннай планеце Аракіс, вядомай таксама як Дзюна — адзінай крыніцы каштоўнага рэсурсу, які мае ключавое значэнне для ўсёй Галактыкі.
Гэта эпічная гісторыя пра ўладу, экалогію, рэлігію, фанатызм і чалавечую волю, якая раскрываецца праз лёс юнага Пола Атрэйдэса — спадчынніка аднаго з Вялікіх Дамоў, якому наканавана стаць цэнтрам эпахальных перамен у сусвеце.
