Новы рэкорд: на беларуска-польскай мяжы амаль 4,7 тыс. аўто
Пункт пропуску "Брэст" / Памежны камітэт Беларусі
У чарзе на выезд з Беларусі на мяжы з Польшчай стаіць 4690 аўтамабіляў, вынікае са звестак Дзяржпагранкамітэта. У аўтобуснай чарзе — яшчэ 125 транспартных сродкаў.
Гэта значыць, што калі вы зарэгіструецеся ў чарзе цяпер, то мяжу зможаце прайсці ў лепшым выпадку праз 10 дзён, пішуць у тэматычных чатах.
Нагадаем, што на пункце пропуску "Брэст" дзейнічае сістэма электроннай чаргі. Не трэба ўвесь тыдзень сядзець у машыне. Неабходна прыехаць на мяжу і зарэгістравацца ў сістэме. Пасля гэтага можна вярнуцца дадому і сачыць за сітуацыяй дыстанцыйна. Гэта зручна для жыхароў Берасця, але не вельмі зручна для тых, хто вымушаны ехаць для рэгістрацыі ў сістэме электроннай чаргі з іншых рэгіёнаў.
