Назвалі прычыну пажару на беларускай свідравальнай вышцы ў Сібіры
Пажар на свідравальнай вышцы / кадр відэа
Следчы камітэт Расіі пачаў крымінальную справу з нагоды пажару на свідравальнай вышцы кампаніі "Беларуснафта-Сібір". Здарэнне адбылося напярэдадні ў Ямала-Ненецкай аўтаномнай акрузе.
Нафтавая вышка на радовішчы абрынулася, пачаўся пажар. Пацярпелі тры чалавекі.
У сваім паведамленні следчыя назвалі прычыну пажару: "Супрацоўнікі парушылі патрабаванні прамысловай бяспекі, у выніку чаго адбылося ўзгаранне свідравіны".
У Следчым камітэце таксама адзначылі, што трое рабочых пры пажары атрымалі траўмы, якія ацэньваюцца як цяжкая шкода здароўю.
