Надвор’е на панядзелак: да +7, у асобных раёнах туман
У бліжэйшыя суткі, 18 лістапада, у Беларусі чакаецца хмарнае з праясненнямі надвор’е, без істотных ападкаў.
Уначы і раніцай у асобных раёнах прагназуецца туман. Вецер паўночна-заходні з пераходам на паўднёва-ўсходні слабы да ўмеркаванага.
Тэмпература паветра ўначы складзе ад 3 градусаў ніжэй за нуль да 3 градусаў цяпла, удзень паветра прагрэецца на 2-7 градусаў, інфармуе БЕЛТА са спасылкай на Белгідрамет.
