Нацбанк выпускае памятныя манеты да 900-годдзя Полацкага кляштара
Спаса-Ефрасінеўскі манастыр у Полацку
Нацбанк выпускае памятныя манеты да 900-годдзя Спаса-Еўфрасіннеўскага манастыра ў Полацку, яны з'явяцца ў абарачэнні 16 кастрычніка. Створаць тры варыянты сувенірных манет: наміналам 1, 20 і 100 рублёў.
Спаса-Еўфрасіннеўскі манастыр у Полацку — гэта адзін з галоўных хрысціянскіх сімвалаў Беларусі. Лічыцца, што ў 1125 годзе ён заснаваны Ефрасінняй Полацкай — унучкай полацкага князя Усяслава Чарадзея.
У кляштары захоўваецца копія Крыжа Ефрасінні Полацкай, створанага майстрам Лазарам Богшам. Арыгінал лічыцца страчаным у гады Другой сусветнай вайны.
Нацбанк распавёў, колькі будуць каштаваць такія манеты:
медна-нікелевых наміналам 1 рубель — 60 BYN
срэбных наміналам 20 рублёў — 250 BYN
срэбных наміналам 100 рублёў — 950 BYN
Набыць такія манеты можна будзе толькі ў Мінску ў офісе Нацбанка на вуліцы Льва Талстога, 6.
