На выходных у Беларусі будзе хмарна, чакаюцца ападкі
Дождж, ілюстрацыйнае фота
У суботу, 20 снежня, у Беларусі прагназуецца хмарнае надвор'е, паведамляе Белгідрамет.
Уначы істотных ападкаў не чакаецца, удзень па паўночна-заходняй палове краіны пройдуць невялікія ападкі — пераважна дождж. Уначы і зранку ў многіх раёнах, удзень месцамі па краіне чакаецца туман. Будзе слабы галалёд. Вецер прагназуецца паўднёвы, паўднёва-заходні слабы да ўмеранага.
Тэрмометры ўначы пакажуць -3...+2 градусы. Удзень чакаецца ад 1 градуса марозу да 5 градусаў цяпла.
21 снежня таксама будзе хмарна. У многіх раёнах краіны пройдуць невялікія кароткачасовыя ападкі — дождж, мокры снег. Месцамі чакаюцца туман і слабы галалёд. Вецер будзе заходняй чвэрці ўмераны.
Уначы прагназуецца ад 4 градусаў са знакам "мінус" да 3 градусаў са знакам "плюс". Удзень тэрмометры пакажуць -1...+5 градусаў.
