На мяжы з Беларуссю з'явіліся білборды "Жыве Беларусь. Я зрабіў свой выбар"
На ўкраінска-беларускай мяжы / t.me/Tsaplienko/
На ўкраінска-беларускай мяжы з'явіліся білборды "Жыве Беларусь. Я зрабіў свой выбар". Іх вырабілі і ўсталявалі беларускія добраахвотнікі разам з украінскімі вайскоўцамі. На білбордах можна пабачыць байцоў на фоне бел-чырвона-белага сцягу.
Білборды ўсталявалі ў пунктах пропуску з Беларуссю ў Валынскай і Жытомірскай абласцях Украіны.
З 2022 года ў пунктах пропуску на мяжы з РБ украінцамі вывешваюцца бел-чырвона-белыя сцягі, якія вельмі раздражняюць прапагандыстаў і сілавікоў Аляксандра Лукашэнкі. З украінскага боку мяжы гучалі звароты да беларусаў, у тым ліку і каліноўцаў. Восенню 2023-га з'явіліся банеры з фота беларускага добраахвотніка і ўкраінскіх вайскоўцаў. У адказ беларускія памежнікі спрабавалі праводзіць свае "інфармацыйна-псіхалагічныя аперацыі".
