На міжнародную Мюнхенскую канферэнцыю па бяспецы адправілі старшыню КДБ
На міжнародную Мюнхенскую канферэнцыю па бяспецы адправілі старшыню КДБ Беларусі Валерыя Вакульчыка. Раней стала вядома, што Аляксандр Лукашэнка вырашыў адмовіцца ад удзелу ў мерапрыемстве. Прэс-служба МЗС нашай краіны інфармуе, што ён планаваў паехаць у Мюнхен і візіт рыхтаваўся, аднак быў адменены з-за неабходнасці правесці перамовы з прэзідэнтам Расіі Уладзімірам Пуціным у Сочы. На канферэнцыі 16 лютага Лукашэнка мусіў паўдзельнічаць у панельнай дыскусіі на тэму "Дачыненні Усход — Захад" (разам з прэзідэнтам Украіны Пятром Парашэнкам, прэзідэнтам Азербайджана Ільхамам Аліевым і іншымі).
Мюнхенская канферэнцыя па бяспецы пройдзе 15-17 лютага. Беларусь на ёй прадставіць не толькі Вакульчык, але і беларускі пасол у Германіі Дзяніс Сідарэнка.
