Моцны парывісты вецер чакаецца ў Беларусі ў пятніцу
Вецер, ілюстрацыйнае фота
У пятніцу, 19 верасня, у Беларусі прагназуецца воблачнае з праясненнямі надвор'е, паведамляе Белгідрамет.
Месцамі па краіне пройдуць кароткачасовыя дажджы, магчымыя навальніцы. Уначы і зранку ў асобных раёнах будзе згушчацца слабы туман. Вецер чакаецца заходні, паўднёва-заходні ўмераны, удзень — парывісты, месцамі — моцны парывісты, да 15-18 метраў за секунду.
Уначы тэрмометры пакажуць +6 па ўсходзе да +15 градусаў па захадзе Беларусі. Удзень паветра прагрэецца да 17-23 градусаў вышэй за нуль.
Выходныя будуць пераважна без ападкаў, толькі ў суботу месцамі па паўночна-ўсходняй частцы краіны пройдуць невялікія дажджы. Тэрмометры ўдзень пакажуць ад 18-22 градусаў цяпла па паўночным усходзе да 27-29 градусаў са знакам "плюс" па паўднёвым захадзе.
