Мінскія мытнікі знайшлі ў пасылках шаблю, катану і кітайскі меч
Зброя, знойдзеная мытнікамі ў пасылках / Мытны камітэт
Мытнікі нацыянальнага аэрапорта Мінск пры сканаванні міжнародных пасылак, якія прыйшлі ў нашу краіну, у трох з іх выявілі прадметы, якія вонкава нагадваюць шаблю і два мячы.
Згодна з таварасуправаджальнымі дакументамі, у пасылках былі сувенірная зброя, нажы спецыяльныя і матэрыялы, прызнае прэс-служба Мытнага камітэта. Тым не менш знаходкі адправілі на экспертызу, каб пацвердзіць, што гэта халодная і кідальная зброя, якую забаронена перамяшчаць у пасылках.
Эксперт прызнаў усе прадметы клінковай халоднай зброяй колюча-сякучага і рэжучага дзеяння. Таксама экспертыза адзначыла, што шабля зробленая самаробным спосабам, а па вонкавым выглядзе і канструктыўных асаблівасцях падобная да шаблі 1610 года. Мячы вырабленыя заводскім спосабам. Адзін з іх падобны да японскай катаны, другі — да кітайскага дадао.
