Мінскае метро атрымае для набыцця новых цягнікоў больш за 20 млн рублёў
Мінскае метро атрымае для набыцця новых цягнікоў больш за 20 млн рублёў. Гэта прадугледжваюць змены, унесеныя ў сталічны бюджэт на бягучы год. Рашэнне Мінскага гарадскога савета № 26 ад 30 сакавіка 2018 года апублікаванае на Нацыянальным прававым інтэрнэт-партале. У ім адзначаецца, што будуць выкарыстаныя "астаткі сродкаў інавацыйнага фонду Мінгарвыканкама, якія ўтварыліся на 1 студзеня 2018 года".
Таксама дадатковыя сродкі выдаткуюцца з гарадскога бюджэту на падрыхтоўку да Еўрагульняў 2019-га — на рамонт вуліц, будынкаў, якія прылягаюць да спартыўных аб'ектаў, на стварэнне новых элементаў святочнай ілюмінацыі і ўстаноўку асвятляльнага абсталявання.
