"Манчэстэр Сіці" прайграў "Рэалу" ў першым стыкавым матчы Лігі чэмпіёнаў
Матч "Рэал" — "Манчэстэр Сіці" / Reuters
11 лютага адбыліся першыя стыкавыя матчы 1/16 футбольнай Лігі чэмпіёнаў.
Мадрыдскі "Рэал" у гасцях у "Манчэстэр Сіці" перамог з лікам 3:2. Эрлінг Холанд у "гараджан" адкрыў лік у сустрэчы, а пазней аформіў дубль. Аднак "Рэал" у зацятай барацьбе здолеў не толькі зраўнаваць лік, але і забіць пераможны гол на другой кампенсаванай хвіліне.
У іншых матчах дня ПСЖ выйграў у "Брэста" з лікам 3:0, з такім жа лікам дортмундская "Барусія" святкавала перамогу над "Спортынгам". А "Ювентус" абыграў ПСВ — 2:1.
Матчы ў адказ пройдуць 19 лютага.
Адразу ў 1/8 фіналу выйшлі "Ліверпуль", "Барселона", "Арсенал", "Інтэр", "Атлетыка", "Баер", "Ліль" і "Астан Віла".
