Магілёвец ледзь не спаліў сваю былую жонку
60-гадовы беспрацоўны абліў яе бензінам і пагражаў падпаліць.
Інцыдэнт адбыўся 16 лютага ў дачным доме ў вёсцы Векер Магілёўскага раёна. Нагодай для здарэння стала спрэчка мужчыны з 63-гадовай жанчынай. У дадатак, магілёвец быў нападпітку.
Зламысніка затрымалі. За пагрозу забойства яму пагражае арышт да шасці месяцаў, паведамляе магілёўская міліцыя.
