Мадуру на верталёце даставілі да будынка Федэральнага суда ў Нью-Ёрку
Нікалас Мадура прыбыў у суд / @BILD_Russian
Нікаласа Мадуру на верталёце даставілі да будынка Федэральнага суда ў Нью-Ёрку, перадае Bild. Першае слуханне па справе яго і жонкі Сіліі Адэлы Флорэс дэ Мадура адбудуцца сёння ўвечары ў 20:00 паводле мінскага часу.
Пракуратура ЗША вінаваціць венесуэльскага дыктатара ў кіраўніцтве міжнароднай сеткі кантрабанды какаіну. Заяўляецца, што Мадура супрацоўнічаў з такімі крымінальнымі групоўкамі, як мексіканскія картэлі Сіналоа і Зетас, а таксама з калумбійскімі паўстанцамі FARC. Сам ён адпрэчвае ўсе абвінавачванні і кажа пра змову ЗША з мэтай завалодаць нафтавымі запасамі Венесуэлы.
Хутчэй за ўсё, Мадуру і яго жонку з меркаванняў бяспекі будуць трымаць у турме ў строгай ізаляцыі ад іншых вязняў. Былы дырэктар турмы кажа, што венесуэльскаму экс-дыктатару давядзецца сядзець пад замком у сваёй камеры да 23 гадзін у суткі і там жа есці. Выйсці на шпацыр ён зможа на гадзіну — у невялікім памяшканні, агароджаным кратамі.
