Злучаныя Штаты прапаноўвалі Мадуру ўцячы ў Турцыю

ЗША не прапаноўвалі Нікаласу Мадуру "пераехаць" у Беларусь нягледзячы на ўсе яго "сяброўскія стасункі" з Лукашэнкам. У якасці варыянту для добраахвотнага выгнання з прэзідэнтам Венесуэлы абмяркоўвалася Турцыя. Пра гэта расказаў амерыканскі сенатар Ліндсі Грэм.

"Але ён вырашыў кінуць выклік Трампу і амерыканскім вайскоўцам. Цяпер яго задніца ў турме", — падсумаваў Грэм.

Грэм нагадаў, што за галаву Мадуры ўзнагароду прызначыў яшчэ прэзідэнт Джо Байдэн — 25 мільёнаў долараў: "Чаму? Таму што ён быў жахлівым злачынцам — забойцам, які атручваў наш народ. Кожная адміністрацыя казала, што ён уяўляе пагрозу для нашай краіны".

Грэм заявіў, што Мадура можа вінаваціць толькі сябе, бо Трамп даваў яму магчымасць сысці.