Лукашэнка не хоча скончыць як Кадафі. Ці змогуць ЗША адцягнуць яго ад Пуціна?
Меркаванне палітычнага аглядальніка Аляксандра Фрыдмана / Скриншот видео
— Лукашэнка быў, ёсць і застанецца дыктатарам, для якога захаванне ўлады з’яўляецца галоўным. І ментальна яму Расія і Кітай — гэтыя рэжымы — куды бліжэйшыя. І ён застанецца на гэтым баку, — выказаў меркаванне палітычны аглядальнік Аляксандр Фрыдман, адказваючы на пытанне ці зможа адміністрацыя Дональда Трампа адцягнуць Аляксандра Лукашэнку ад Расіі.
— Ён Маскве і Пекіну давярае прынцыпова куды больш, чым амерыканцам. І ў яго яшчэ ёсць і ўласны палітычны вопыт. Лукашэнка ж сачыў за лёсам тых дыктатараў, якія Захаду паверылі, якія адмовіліся ад свайго курсу, якія пайшлі на тое ці іншае супрацоўніцтва з заходнімі краінамі.
І як яны скончылі? Як скончыў Муамар Кадафі — вядома, лёс Слабадана Мілошавіча — таксама вядомы, — нагадвае Фрыдман.
Палітычны аглядальнік нагадвае, што прам цяпер ЗША ціснуць на прэзідэнта Венесуэлы Нікаласа Мадуру. Вашынгтон абмяркоўвае магчымасць яго "кантраляванага сыходу" з пасады прэзідэнта ў абмен на гарантыі бяспекі асабіста яму і яго падначаленым. Пры гэтым, ЗША пагражаюць рэжыму зброяй.
