Літва і Польшча згодныя размясціць сілы хуткага рэагавання NATO
Рашэнне пра іх стварэнне было прынятае на саміце Паўночнаатлантычнага блока, які праходзіць ва Уэльсе.
Генеральны сакратар NATO Андэрс Фог Расмусэн заявіў, што краіны-ўдзельніцы саміта дамовіліся, што ў склад сілаў хуткага рэагавання будуць уваходзіць некалькі тысяч вайскоўцаў. У сваім выступе ён падкрэсліў, што такія войскі ствараюцца ў адказ на агрэсіўную палітыку Расіі.
"Трэба яшчэ таксама паглядзець, дзе будуць размяшчацца апорныя пункты", — сказаў Расмусэн. ВВС інфармуе, што краіны Балтыі, Польшча і Румынія ўжо выказалі гатоўнасць размясціць на сваёй тэрыторыі сілы хуткага рэагавання.
Фота — Reuters
