Латвія перастала афармляць транспарт з Беларусі на адзіным пункце пропуску
"Грыгараўшчына" перакрытая металічнымі шчытамі / Скрыншот
16 сакавіка Латвія перастала афармляць транспарт на адзіным працуючым пункце пропуску "Грыгараўшчына". Рух грузавых і легкавых аўтамабіляў і аўтобусаў праз мяжу спынены як на ўезд у Беларусь, так і на выезд з краіны.
Відавочцы кажуць, што на пункце пропуску нешта адбылося каля 14:00 па беларускім часе. Неўзабаве латвійскія памежнікі перакрылі дарогу адмысловымі шчытамі. За дзве гадзіны, што прайшлі з таго часу, сітуацыя не змянілася.
Ніякай афіцыйнай інфармацыі пра інцыдэнт на гэты момант няма.
