Кіраўніцтву Слуцкага мясакамбіната вынеслі суровыя прысуды
Суд Слуцкага раёна 29 лютага вынес прысуд былому кіраўніцтву Слуцкага мясакамбіната. Пра гэта агенцтву БЕЛТА паведаміла афіцыйная прадстаўніца Следчага камітэта Юлія Ганчарова.
Дырэктара прадпрыемства прызналі вінаватым у злоўжыванні ўладай ці службовымі паўнамоцтвамі, перавышэнні ўлады або службовых паўнамоцтваў і службовай халатнасці. Яго асудзілі на 6 гадоў пазбаўлення волі без канфіскацыі маёмасці.
Яго намесніцу за перавышэнне ўлады або службовых паўнамоцтваў асудзілі на 3 гадоў пазбаўлення волі з канфіскацыяй маёмасці.
Дырэктар кампаніі "Малтранс", якая аказвала камбінату транспартныя паслугі, прызнаны вінаватым у махлярстве і асуджаны на 4 гады пазбаўлення волі з канфіскацыяй маёмасці.
Прысуд не набыў законную моц і можа быць абскарджаны ва ўсталяваным парадку.
Нагадаем, што 11 красавіка 2014 года Аляксандр Лукашэнка наведаў ільнокамбінат і мясакамбінат у Слуцку. На мясакамбінаце ён пабачыў, як у халадзільных устаноўках гніюць тушы і быў абураны гэтым. Лукашэнка запатрабаваў навесці парадак "імем рэвалюцыі", накарміць гнілым мясам кіраўнікоў камбіната і забараніў прымаць тушы на мясакамбінат. 14 красавіка кіраўніцтва прадпрыемства было затрыманае.
