Каб не везлі зброю і наркотыкі — чыноўнік пра КПП на мяжы Беларусі з Расіяй | Навіны Беларусі

Беларусь устанавіла кантрольна-прапускныя пункты на мяжы з Расіяй, каб спыніць паток наркотыкаў і зброі, кажа сябра Савета Рэспублікі Нацыянальнага сходу Беларусі Алег Дзьячэнка.

Чыноўнік заяўляе, што вайна Расіі з Украінай "пераносіцца на расійскія рэгіёны".

— У гэтых умовах мы павінны ўзмацняць бяспеку нашай дзяржавы. Гэта мы і зрабілі, умацаваўшы паўднёвыя межы, каб адтуль не было перапампоўкі зброі і боепрыпасаў на тэрыторыю нашай краіны. Таксама ўзмацнілі памежны кантроль з РФ, таму што і праз Расію да нас могуць трапляць не толькі псіхатропы, але і зброя. Неабходна ўзмацняць бяспеку ўсяго грамадства. Гэта тычыцца ў тым ліку інфармацыйнай працы, каб грамадзяне ведалі, адкуль зыходзяць пагрозы, — адзначае Дзьячэнка.

На думку прадстаўнікоў дэмсілаў, беларускія ўлады баяцца дыверсантаў, асабліва пасля серыі выбухаў на аб'ектах інфраструктуры Расіі.

Пра шэсць кантрольна-прапускных пунктах на беларуска-расійскай мяжы стала вядома 5 траўня. Затым з беларускага боку апынуліся перакапаныя або заваленыя невялікія дарогі, якія вядуць у Расію.