Гродзенец загнаў палову аўтамабіля ў апору моста (фота)

Дзіўнае здарэнне адбылося каля 6-й гадзіны раніцы 11 снежня на праспекце Кляцкова ў Гродне. Задняй часткай легкавік заехаў у апору пешаходнага моста.

Прычым удар быў такой сілы, што даўжыня аўтамабіля скарацілася ледзь не ўдвая, піша "Гродзенская праўда". У салон літаральна ўбітымі апынуліся і багажнік, і заднія колы.

За рулём быў малады кіроўца, якога цяпер шпіталізавалі. Мяркуецца, што ён ехаў адзін. Яго фізічны стан ў момант аварыі і абставіны здарэння высвятляюцца.

На шчасце, загінулых пры здарэнні не было.

Фота — grodnonews.by