Грамадзянін Беларусі пацярпеў у буйной аварыі пад Варшавай
Аварыя пад Варшавай / TVP3
Мінулай ноччу на паўднёвай аб'язной дарозе Варшавы (траса S2) адбыліся два сур'ёзныя ДТЗ, у выніку якіх пацярпелі 17 чалавек, сярод іх — грамадзяне Беларусі, Украіны, Іспаніі і Польшчы, паведамляе радыё RDC.
Паводле інфармацыі варшаўскага ўпраўлення пажарнай аховы, першая аварыя здарылася каля 3 гадзін ночы ў раёне аэрапорта Шапэна: аўтобус з 26 пасажырамі ўрэзаўся ў адбойнік і перакуліўся на бок.
На месца прыбылі ратавальнікі. Падчас іх працы адбылося другое сутыкненне — грузавік на поўнай хуткасці ўрэзаўся ў пажарны аўтамабіль OSP Dawidy, які стаяў на ўзбочыне.
17 чалавек атрымалі раненні, двое з іх — у цяжкім стане (кіроўца фуры і пажарны).
Ва ўсіх пацярпелых — траўмы галавы, грудной клеткі і канечнасцяў. На працягу 20 хвілін усе пацярпелыя былі дастаўлены ў шпіталі Варшавы.
Podsumowanie 2️⃣ wypadków w miejscowości Dawidy: zgłoszenie do służb godz. 2.58, 1️⃣7️⃣ osób poszkodowanych, w tym 1️⃣5️⃣ pasażerów autokaru w wieku od 17 do 59 lat. To ob. 🇺🇦, 1️⃣ 🇧🇾, 1️⃣🇪🇦, 3️⃣ 🇵🇱, w tym strażak i 48-letni kierowca TIR-a 🇺🇦. Obraż.: urazy głowy, k. pierś., rąk i nóg pic.twitter.com/kObGPNWgBP
— WSPRiTS "Meditrans" SPZOZ w Warszawie (@PogRatunkoweWaw) April 29, 2025
