Францыя афіцыйна абвесціць прызнанне Палесцінскай дзяржавы
Эманюэль Макрон / France Televisions/Handout via REUTERS
Прэзідэнт Францыі Эманюэль Макрон афіцыйна выступіць з прызнаннем Палесцінскай дзяржавы. Ён зробіць гэта ў верасні на сесіі Генасамблеі ААН.
"Будучы верным свайму гістарычнаму абавязку па забеспячэнні справядлівага і трывалага міру на Блізкім Усходзе, я прыняў рашэнне аб прызнанні Францыяй Дзяржавы Палесціна.
Неабходна неадкладна ўсталяваць перамір’е, вызваліць усіх закладнікаў і аказаць масіраваную гуманітарную дапамогу насельніцтву Газы", – напісаў Макрон у сваім акаўнце ў сацсетцы Х.
На гэтую заяву адрэагавалі ў Ізраілі. Прэм’ер-міністр Нетаньяху назваў гэты крок "узнагародай за тэрарызм". А кіраўнік МЗС Ізраіля назваў рашэнне Макрона абсурдным.
Негатыўна ацанілі гэтую заяву і Штаты. Дзяржсакратар ЗША Марка Рубіа заявіў, што "безадказнае рашэнне Макрона толькі служыць прапагандзе ХАМАС і зрывае мірны працэс".
