Fitch Ratings адклікае крэдытныя рэйтынгі Беларусі — агенцтву мала інфармацыі
Замежныя агенцтвы проста не ведаюць, як ацаніць беларускія справы / TASS / Zuma
Fitch Ratings адклікала рэйтынгі Беларусі, у тым ліку апошні доўгатэрміновы рэйтынг дэфолту ў замежнай валюце "RD" (абмежаваны дэфолт)".
Тлумачыцца гэта дзеяннямі Беларусі, якая не дае патрэбных звестак для рэйтынгавання.
— Адсутнасць дастатковага ўдзелу эмітэнта ў рэйтынгавым працэсе, а таксама адсутнасць іншых крыніц для адэкватнай праверкі ключавых крэдытных фактараў, уключаючы падаткова — бюджэтную палітыку і палітыку кіравання абавязкам, абмяжоўваюць нашу здольнасць правяраць фактычныя элементы, неабходныя для вызначэння рэйтынгу, — паведамляе Fitch Ratings.
11 верасня міжнароднае рэйтынгавае агенцтва Standard & Poor's таксама адмовілася публікаваць рэйтынгі для Беларусі праз адсутнасць інфармацыі аб выкананні дзяржбюджэту і звестак аб выплаце дзяржаўнай запазычанасці.
Рэйтынгі патрэбныя для таго, каб інвестары разумелі, у якім становішчы знаходзіцца краіна і наколькі рызыкоўна ўкладваць у яе грошы. Паколькі беларускія ўлады хаваюць значную частку статыстыкі аб дзяржаўных фінансах, скласці рэйтынг сапраўды складана.
У 2022 годзе Fitch Ratings і Standard & Poor's знізілі беларускі рэйтынг да"абмежаванага дэфолту". Гэта адбылося пасля таго як улады вырашылі разлічвацца беларускімі рублямі па еўрааблігацыях. Мінфін адказаў, што агенцтвы проста прадузятыя.
