Экс-прэзідэнта Францыі асудзілі на пяць гадоў турмы
Нікаля Сарказі / AFP
Экс-прэзідэнт Францыі Нікаля Сарказі асуджаны на пяць гадоў турмы з адтэрміноўкай.
Як пішуць французскія СМІ, суд прызнаў яго вінаватым у злачыннай змове дзеля атрымання сродкаў на прэзідэнцкую кампаніі 2007 года ад рэжыму лівійскага дыктатара Муамара Кадафі.
Разам з тым палітыка апраўдалі па іншых эпізодах абвінавачання — утойванні крадзяжоў і пасіўнай карупцыі.
Сарказі адбудзе свой тэрмін у турме, нават калі падасць апеляцыю. Аднак паколькі прысуд вынесены з адтэрміноўкай, адразу пад варту яго не возьмуць. На працягу месяца палітыка выклічуць у пракуратуру, дзе і паведамяць дату заключэння пад варту.
Таксама Сарказі будзе вымушаны заплаціць штраф 100 тысяч еўра.
Па тэме:
![]()
