Дзве маленькія дзяўчынкі загінулі на пажары ў Камянецкім раёне

На пажары ў Камянецкім раёне загінулі двое дзяцей. Як паведамляе прэс-служба Следчага камітэта, трагедыя адбылася зранку 23 траўня ў вёсцы Амелянец.

Пры ліквідацыі пажару ў прыватным доме знайшлі целы дзвюх маленькіх дзяўчынак. Адной было 6 месяцаў, другой — 3 гады.

На месцы здарэння працуюць следчыя. Следчы камітэт пачаў крымінальную справу паводле ч. 3 арт. 304 (парушэнне патрабаванняў пажарнай бяспекі, што пацягнула па неасцярожнасці смерць) Крымінальнага кодэкса.

Разглядаюцца некалькі версій узнікнення пажару — у тым ліку кароткае замыканне і занесеная крыніца агню. Устаноўлена, што на момант узгарання дзеці былі дома адны.