"Дразды" вярнуліся на сцэну пасля ідэалагічнай забароны
"Дразды" ў Гомелі / newsgomel.by
"Дразды" вярнуліся на сцэну. Гурт ледзь не распаўся праз залішнюю ўвагу з боку ідэолагаў — але вось, на мінулых выходных выступіў на Дне горада ў Гомелі, а на гэтых — на абласных "Дажынках" у Ваўкавыску.
"Драздам" дасталося за тое, што "пераабуваліся" ў 2020 годзе — то быццам бы падтрымалі пратэсты супраць Лукашэнкі, то перадумалі. А таксама — за радок "Сыходзь хутчэй, стары" з песні пра Каляды. Прэтэнзіі выглядалі абсурднымі, але дайшло да поўнай забароны.
Пазней музыкам усё ж дазволілі выступаць. З адной умовай — пакуль што не ў Мінску.
