Дарожнікі не знайшлі ўладальніка аўтамабіля і паклалі асфальт вакол яго

Дарожнікі не знайшлі ўладальніка аўтамабіля і паклалі асфальт вакол яго. Здарылася гэта днямі на вуліцы Маршала Лосіка ў Мінску.

У адміністрацыі Фрунзенскага раёна распавялі minsknews.by, што спачатку працам перашкаджалі дзве машыны. Уладальнік адной з іх знайшоўся, і ён прыбраў яе. А вось уладальніка Renault не знайшлі, і вырашылі не губляць час і "не спыняць тэхналагічны працэс". Спецыялісты прадпрыемства "Трэст № 15 "Спецбуд" проста "абышлі перашкоду".

Як аўтамабілі трапілі на ўчастак вуліцы, калі праезд да яго быў загароджаны блокамі? Мяркуецца, што кіроўцы скарысталіся момантам, калі на тэрыторыю заязджала спецтэхніка. Цяпер перашкоду павінны прыбраць да пачатку работ па ўкладцы другога пласта асфальту. Калі гэта не зробіць уладальнік, падключацца спецыяльныя службы.